لعبة ركض وأراضي · صُنعت في الأردن

اركض.وسَيطر!

Run it. Own it.

كل لفّة بتركضها بتصير أرضك. سكّر لفّة بشوارع مدينتك، والأرض اللي جوّاها بتصير إلك على خريطة مباشرة بيشوفها كل عدّاء بالأردن. وبعدها بيجوا يخطفوها منك.

نزّل التطبيق ارسم لفّة على الخريطة

مباشرعمّان

أرضك0 m²

اسحب لفّة وحدة وارجع لنقطة البداية

لفّات0

كيف بتلعب

اركض. اكسب. احمي.

النقاط مش ببلاش. الخريطة ما بتتغيّر إلا لما تسكّر لفّة بإجريك.

اركض لفّة

ابدأ ركضة وارجع لنفس المكان اللي بلّشت منه. أي شارع، أي حديقة، أي حارة.

خلّص على بُعد 50 م من نقطة البداية

اكسب الأرض

كل إشي جوّا اللفّة بصير إلك، ملوّن بلونك على الخريطة المباشرة قدّام كل العدّائين اللي حواليك.

اللفّة لازم تكون ضمن دائرة 1 كم

احمي أرضك

المنافسين بيخطفوا الأرض لما يركضوا عليها. لفّ لفّتك مرّة ثانية وبتعلّي درعها، فبيصعب خطفها.

الدرع بيوصل لمستوى 10

الخطوط

كل ركضة بتترك أثر.

طريقك بضلّ على الخريطة كخط إلك. وصّل خطوطك لحد ما تسكّر شكل، والأرض اللي جوّاه بتصير إلك كمان، حتى لو من ركضات مختلفة.

14 يومالخط بيختفي إذا وقفتالخط بعيش 14 يوم، و3 أيام زيادة مع كل مستوى. اركض عليه مرّة ثانية عشان يضلّ.

35 مالخطوط بتنخطفاركض على خط منافس 35 م أو أكثر، وهاي القطعة بتصير إلك.

3 ركضاتشكل واحدسكّر شكل من خطوط ركضاتك أو ركضات فريقك، والأرض اللي جوّاه بتصير مشتركة بينكم.

العبوا سوا

فريقك. ألوانك.

اركض لحالك أو جيب الربع. الأرض اللي بتسكّروها سوا بتصير مشتركة، واللوحات بتبلّش من جديد كل أسبوع.

حرس+

الفريق

أسّس فريق مع 3 عدّائين، احكوا مع بعض جوّا التطبيق، وكبّروا مستوى الفريق عشان يوسع أعضاء أكثر. كل لفّة بتكبّر الحِمى.

لوحات الأسبوع

نافس كل الأردن أو بس مدينتك. المسافة والأرض والكؤوس بتنحسب كل أسبوع.

عمّان · إربد · الزرقاء · العقبة · وغيرها

الخريطة المباشرة

شوف الخطفات وهي بتصير، وبيوصلك إشعار لما حدا يخطف أرضك.

اختار لونك

لوّن أرضك بالليموني، أحمر العلم، السوسنة السوداء، البحر الميت، أزرق العقبة، رمل وادي رم أو الأخضر.

منطقة الخصوصية

خبّي الشوارع اللي حوالين بيتك. وإذا بدّك، اركض بدون ما يبيّن اسمك على الخريطة.

الساحات

7 ساحات. زعيم كل أسبوع.

الساحة مش لحدا. اللي بيركض فيها أكثر هالأسبوع بصير زعيم الساحة، واللقب بيرجع للمنافسة كل أسبوع.

أماكن مش للّعب

المواقع العسكرية والمباني الحكومية والجوامع والكنائس بتنقصّ من أي لفّة. ما حدا بيقدر ياخذها، والخريطة بتبيّنها عشان تعرف قبل ما تركض.

يلّا نركض
يا نشامى.